Жул, Ккуллал жяматрал, цала дакIурдива тачIаввагу арх къабайссар, зунттавусса шяраву виричувшиврун ккаллийсса давурттугу дуллай, яхъанай бивкIсса хъаннил, ниттихъал цIарду.Ларгсса аьсрулул дязаннив хьуну бивкIсса дунияллий ца яла оьсса дяъвилул цIаравун арсругу, буттахъулгу, ласругу гьан бувну, виричушиврий бувхIуссар миннал цайнма ливксса кьадар.

Ккуллал шярава та дяъвилий гьуртту хьуссар 412 адамина-чув. Миннава зана къавхьуссар 229. Ряхва кулпатрал аьрайн тIайла увкссар мукь-мукьа чув-адамина. АцIния арулва кулпат­рал тIайла увкссар шан-шама адамина. Зувинния ливчусса кулпатирттал тIайла бувкссар кIи-кIия адамина.
СияхI цуксса лахъину чIалай духьурчагу, зумух ласун ччай бур цал уттигу Ккуллал нитти­хъал цIарду.
Кьурбанова Шал-ПатIимат. Аьрайн тIайла увксса мукьа арснава (Къилли, Рамазан, Кьурбан, СаидахIмад) шама зана къавхьуссар. Хъунама Къиллил дяъви байбишиннин бувну бивкIссар кулпат. Ирс гихунмай бачин бан ливчIссар мунал анжагъ ца душ.
Оьмарова АтIа (НаштIи АтIа). Ванил къушлия дяъвилийн лавгссар ххюя: Жамал, Мусалов, Оьмар, ХIасан, куяв Мирза. Цаягу зана къавхьуссар.
Ибрагьимова (Ачуева) Атта. Ванил кулпатрава лавгссар мукьа — МахIаммад, Муса, ХIуса, Рамазан. Зана хьуссар так ца Рамазан.
Оьмарова ПатIи (АьтIу ПатIи). Ванил тIювая аьрайн лавгссар мукьа — Оьмари, Кьурбан, Аьли, Аьвдуллагь. КIия зана къавхьуссар.
Къапланова Малли. ­Аьрайн лавгссар Аьли, ХIажи, ХIажиакбар. Цаягу зана къавхьуссар.
Мирзаева ПатIи (Оьтил ПатIи). ТIайла бувкссар: Рамазан, МахIаммад, Ибрагьим. КIия цIараву ливчIссар.
Жалилова Муи (Жаллал Муи). ТIайла бувкссар: ХIасан, Мирза, Исмяил. КIия зана къавхьуссар.
ХIайдарова Халун. Ванил къушлия лавгссар: Аьли, ­Ахъай, Мах1аммад. Цаягу зана къавхьуссар.
Рамазанова ПатIи (Ахтта­хъал). ТIайла бувкссар: Разу, Кьурбан, Оьмари. Ца зана хьу­ссар.
Къулчиева Ххами (Иласлул Ххами). Аьрайн лавгссар Къулчи,Рамазан.
ХIажимахIаммадова Тамари. ТIайла бувкссар лас Юсуп, арсру ХIажимахIаммад, Кьурбан.
ХIажирамазанова ПатIи (Бибил ПатIи). ТIайла бувкссар Оьмари, АхIмад. Цаягу зана къавхьуссар.
Аккуева Мариян. Лавгссар База, АьвдурахIин. Цаягу зана къавхьуссар.
ХIайдарова ХIурия (Маммалавл ХIурия). Лавгссар МахIаммад, Рамазан. Цаягу зана къавхьуссар.
МахIаммадова СахIи (Ккахаяхъал). Лавгссар МахIа, Муси. Цаягу зана къавхьуссар.
МахIаммадова Халун (Гамацихъал). Аьрайн лавгссар Ибрагьим, Рамазан, МахIаммад, ­Шуаьй. КIия тиккува ливчIссар.
Чупанова Малли (Кьянкрахъал). Дяъвилийн лавгссар Шамххала, Амир, Мамма.
Ибрагьимова ПатIа. Лавгссар Абакар, Аьлил,Оьмари.
Даудова Мариян. Лавгссар МахIмуд, Дауд.
Ушанова Баху. Лавгссар АьвдурахIман, Исбагьи.
Аьлибекова Ххадижат. Лавг­ссар Рамазан, Юсуп.
Исучаева Ххами. Лавгссар Исуча, Муси.
Кьубиева Ханича. Дяъвилийн лавгссар КьурбанмахIаммад, Мирза.
Алхулаева ПатIи. Лавгссар Алхулав, Оьмари.
Аьлилова Мисиду. Лавгссар аьрайн Аьлил, Жяъпар.
Оьбакова Муслимат. Дяъвилийн лавгссар ХIасан, Рамазан.
ЩихахIмадова Гугьарша. Лагссар Магьди,Муслин.
Базаева ПатIа. Лавгссар Ссугъу, Муса, Аьзи, Масу.
Гьай-гьай, дяъвилийн арсру тIайла бувксса ниттихъал сияхI гихуннайгу вакссара дуван хьунссия. Амма вайннийнугу чIалай бур, жула ниттихъал ккурхIусса къювурдал дазу-зума дакъашиву.
Цал бунагьирттал аьпа баннав, рухIру рахIатний дишиннав!
Рамазан Мамаев,
Ккуллал 1-мур школалул
завуч