[dropcap]И[/dropcap]юньдалул 26-нний республикалул Антимонопол къуллугърал ряхра транспортрал компаниялия тIалав бунни МахIачкъалаливсса маршруткарттахсса багьа 23 къурушрая ялавай бучIан буван. Мунил хIакъираву бувсунни Дагъус­ттаннал УФАС-рал.

---

Антимонопол къуллугърал хIукмулийн бувну, «Третий парк», «Астория», «Трансфлот», «СТС», «Новострой-Транс» ва «Пилот» тIисса компанияр­ттал лиян дурну дур «Конкуренция дуруччаврил хIакъираву» тIисса федерал закон. Ми компаниярттал цал архIал лахъ бувну бур маршруткарттал багьри 17 къурушрая 23 къурушрайн биянцIа.

Предписаниягу лаларсун, 5 гьантлул дянив транспортрал компаниярттал аьркин­ссар 23 къурушрал багьа бишаврил хIакъиравусса приказру букьан буван. Агарда предписание биттур къадарча, миннай дишинтIиссар аькIри ва ликкан бантIиссар санкцияртту.

ХIадур бувссар
ХI. Аьдиловлул