Ххирасса лак! Хасну зухьгу, Да­гъусттаннал циняв бусурмантурахьгу бусравсса Рамазан барз байлитIаву ва Зумаритавал байран ялун дучIаву барча тIий буру!

Ва байран хъанай дур жулва аьмсса рув­хIанийсса ирсирал ца бутIану, дакI марцI ду­ккан даврил, паракьат даврил ва адав-инсапрал ххуллийн бу­ккаврил лишанну. Зу дургьуцири зумарду Заннал кьамул дуваннав, зулссагу, жулссагу дуаьртту ЗанначIан дирну лякъиннав!

Бувцири хъинбалартту зана бикIаннав, гьарца ужагъирттай ххаришиву ва ччаву, цIуллушиву ва рувхIанийсса чумартшиву чан къахьуннав, барачат ликканнав! ЯлунчIилгу Рамазан зурул хIурмат буру­ччинсса, бюхттулсса кашилул Залуннаха эбадат дуллансса цIуллушиву дулуннав!