Июньдалул 10-нний ДР-лул Культуралул министерствалий хьунни Культуралул центрдал даврил ялув бацIайсса Республикалул советрал батIаву.Му дачин дурну бия ДР-лул культуралул министрнал хъиривчу, Республикалул Халкьуннал творчествалул къатлул директор Марита МухIадова.
Бадрижамал Аьлиева
Му кьини бавтIун бия личIи-личIисса министерстварттал ва идарарттал, творчествалул союзирттал бакIчитал, культуралул управлениярттал начальниктал ва культуралул центрдал каялувчитал.
ЧIявусса ихтилатру хьуна Дагъусттаннал халкьуннал культура дуруччаврил хIакъиравусса, му даву щаллу шаву мурадрай дуллалисса давурттаясса. Хьуна ихтилатру мукунма июньдалул 28-нния июльданул 5-нин хьунтIисса Дунияллул халкьуннал дянивсса IХ фольклорданул ва аслийсса культуралул «Горцы» фестивальданул хьунийнссагу.
