[dropcap]И[/dropcap]юньдалул 7-нний Санкт-Петербурглив хьунни Дунияллул халкьуннал дянивсса экономикалул форум. Мунил пленар батIаврий хъунмур махъ лавхъунни Аьрасатнал Федерациялул
Президент Владимир Путиннул. Форумрай гьуртту хьунни Дагъусттаннаясса делегация, мунил бакIчину ия республикалул каялувчи Владимир Васильев.
БатIаврий махъ лахълай, Владимир Путиннул аьла-ссалам бунни паччахIлугъирттал, хIукуматирттал бакIчитурахь, форумрайсса циняв гьурттучитурахь ва барчаллагь увкунни Аьрасатнащал дусшиврийсса ара дузал даврихлу ва хIала-гьурттуну зун хIадурну бушаврихлу.
АьФ-лул Президентнал гьартану бувсунни промышленностьраву ва технологиярттаву лябуккулунсса мюхчаншиву щаллу дансса, инсантурал ахIвал-хIал гьаз бансса программарттал ва стратегиярттал хIакъираву. Владимир Путиннул тIимунийну, Аьрасатнал экономикалул политикалул дузал дуллалиссар дунияллул халкьуннал инвестортурал давурттан аьркинсса цинярда шартIру.
ПаччахIлугърал БакIчинал регионнал бакIчитурахь, президентнал федерал округирттайсса вакилтурахь тавакъю бунни национал проектирдавун цивппа заллусса капиталлу кIункIу даврин хасъсса давуртту анавар дуккан дуван.
Планер батIаврий ихтилатру бунни мукунма Китайнал Халкьуннал Республикалул Председатель Си Цзинпиннул, Болгарнал Президент Румен Радевлул, Армениянал Премьер-министр Никол Пашиняннул, Словакиянал Премьер-министр Петер Пелегринил ва ООН-далул Генеральный секретарь Антониу Гутеррешлул.
