Вава къатIух– вава бюрх

Жува байкъалитIавай буслан бикIару Дагъусттаннал агьалинал ца язисса хъус хьхьири бушиву ва гъинтнил чIун дучIаннин ялугьлан бикIару хьхьирия неъмат ласланшиврул.Амма, хьхьиривун бучIай сезон дайдирхьуннихха, республикалул Роспотребнадзорданул баян бувай хьхьирийн бучIлан къадагъа душиву.


П. Рамазанова
[dropcap]В[/dropcap]ана уттигъаннугу баян бунни щинавун бучIлан къабучIишиву МахIачкъалаллал цавагу пляжрай, хьхьирил щинал тагьар ххал диргьусса лабораториялул санитар тIалавшиндарал ккаккан дурсса кьаралдануяр шамлийну-мукьлийну ххишалану чапалну душиву щин. МахIачкъалалив, Хасавюртлив, Къизилюртлив, Къизлардай ва Южно-Сухокумскалив канализация марцI дувай сооружениярду (очистные сооружения), гьарза-гьарта дурну, дакьин дуван багьлай буну тIий ва Дарбантлив, Буйнакскалив, Избербашрай, Дагогнилив мукунсса сооружениярду дурагу дакъану тIий.

Гьаннайсса, шиная шинайн баяйсса ва баххана къахъанахъи­сса хIуччарду ва къадагъартту утти­гу тикрал хъанайнна дур. Вава къатIух вава бюрх.
Роспотребнадзорду ва прокуратурарду хъирив лаяннин хьхьирил сезонгу къуртал хьунтIиссар, канализациярдал тагьаргу гара даражалий личIантIиссар. Туну, хьхьирийн хьхьирил щинай тамаша буллан зананнув? Зананну!