Библиотекарттал кьини – Каспийскалий

Щалагу Аьрасатнаву майрал 27-нний кIицI лагайсса Библиотекарттал кьини лахъа-хъунну хьунадаркьунни Каспийскаллал Ф. Аьлиевал цIанийсса ЦБС-лувугу.

Бадрижамал Аьлиева
Му кьини шиккун бавтIун бия шагьрулул ЦБС-лул цинявппагу зузалт. Ми барча буван бувкIун бия шагьрулул бакIчинал хъиривчу Людмила Левицкая, генерал-майор Герман Кириленко, спорт­рал, жагьилтурал политикалул, культуралул иширттал отделданул начальник Мурад МахIаммадов, «Дагъусттаннал дакьаврил фондрал» каялувчи Мухтар Даудов ва цаймигу.

БатIаву тIиртIуна ЦБС-лул хъунмур Мадина Темировал. Бусравсса библиотекарьнал къуллугърай зузиминнахь барчаллагь тIутIисса, барча буллалисса ихтилатру бувна хъамаллуралгу. Библиотекалул яла чIавами буккултрал дурккуна назмурду, увкуна балайрду.