[dropcap]Я[/dropcap]лун нанисса футболданул чемпионатрай МахIачкъалаллал «Анжи» команда бяст-ччаллай дуккан най дур шамилчинмур лигалул (ПФЛ) футболданул командарттащал.
Р. Къардашов
Ларгсса чемпионатрай «Анжилул» бувгьунни 15-мур кIану. Хъирив нанисса футболданул сезондалий ва дуккан аьркинссия чемпионатрал 2-мур лигалий (ФНЛ), амма, арцул буржру буну тIий, командалун рухсат буллунни гьуртту хьун так чемпионатрал 3-мур лигалий.
«Анжилул» президент ХIусман Кьадиевлул бувсунни командалухьхьун аьмсса бурж 300 млн. къуруширая лагь хьушиву 100 млн. бияннин, футболистуран булунсса хIакьлил буржру 68 млн. бушиву. Кумаг бувара тIисса тавакъюращал республикалул хъуниминнайн цимилагу бувккун бунува, кабакьаву къадунни, тIий ур ХIусман Кьадиев.
Дайдихьлахьисса сезондалий «Анжилул» харжлугъ ккаккан бувну бур 22 млн. къ.
