Ххал бивгьунни шяраваллил хозяйствалул масъалартту

[dropcap]В[/dropcap]ай гьантрай ДР-лул БакIчи Владимир Васильев хьунаавкьунни жула республикалийн къуллугърал аьрххилий увкIун ивкIсса АьФ-лул шяраваллил хозяйствалул министр Дмитрий Патрушевлущал.

Хьунабакьаврий ххал бивгьунни Дагъусттаннал агропромышленностьрал комплексрал агьамми масъалартту – ппиринж бугьаву ва мелиорация, ятту ябаву ва яттил дикI дазул кьатIув машай дуккан даву, селекция ва гьаннарал даву. Миккува ххал бивгьунни мукунма республикалий ппиринжбугьулт дишай щинал дузал баврил масъалагу.

Хьунабакьаврий икьрал дунни мигу, миннуцIун цаймигу масъалартту гьартану ххал бигьин АьФ-лул Шяраваллил хозяйствалул министерствалул коллегиялул члентал Дагъусттаннайн бувкIукун. Дмитрий Патрушевлул ми масъаларттан хасъсса тапшурлугъру дунни АьФ-лул МСХ-лул зузалтрайн. Му чIумалнин ДР-лул МСХ-лул хIадур дуван аьркинссар кIицI лавгсса масъалар­ттан хасъсса программарттал проектру.