Хайр-мюнпатмур хьхьичIунну

[dropcap]М[/dropcap]арт зурул 26-нний Да­гъусттаннал региондалий­сса «Справедливая Россия» партиялул фракциялул отделениялий хьунни журналистуращалсса пресс-конференция.Шикку гьур­тту хьунни фракциялул председатель, Дагъусттаннал Халкьуннал Мажлисрал председательнал хъиривчу Камил Давдиев, партиялул вакилтал Мурат Пайзуллаев ва Марат Алияров. Ва хьунабакьаву хьунни «Думалувуминнал давуртту ва махъру» тIисса Щалагу Аьрасатнаву баян бувсса акциялул лагрулий. Пресс-конференция даврил мурадгу бия агьали ПаччахIлугърал Думалуву ххал дигьлагьисса социал оьрмулул законнал проектирдал чулухунмай бурган баву.


Имара Саидова
Камил Давдиевлул балжину бувсунни «Справедливая Россия» партиялул фракциялул ПаччахIлугърал Думалуву ххал дигьин тIайла дурксса халкьуннан хайр-мюнпат бусса сиптардая, бувсунни ми сиптардаясса чIяруми ПаччахIлугърал Думалул кьамул къадурну диркIшивугу.

Камил Давдиевлул мукунма бувсунни Думалул кьамул къадурну диркIсса ми сиптардал хIакъиравусса пикрирду Президент Владимир Путиннул цала рисалалувугу кIицI лавгун бушиву.
— Партиялул сукку дурсса инициативартту бартдигьаврил ххуллу-хха буссар так социал-демократ зумувнусса дахханашиннарду давриву, — тIий бур фракциялул вакилтал. «Справедливая Россия» партия гихуннайгу цила пикрирду дузрайн буккан баву мурадрай чялишну зунсса ниятрай дур.
Ахирданий партиялул вакилтурал жавабру дуллунни журналистурал суаллахьхьун.