[dropcap]М[/dropcap]ахIачкъалаливсса ОМОН-лул базалий хьунни Росгвардиялул Ухссавнил Ккавкказуллал округрал зузалтрал оьрчIал дянивсса патриот балайлул конкурсрал цалчинсса ятIап.
Конкурсрай гьуртту хьусса аьралитурал ва Росгвардиялул зузалтрал оьрчIал увкунни жула агьалинан ччянива ххира хьусса дяъвилул балайрду: «Катюша», «Най ур саллатI шагьрулувух», «Барчаллагь ттаттан Ххувшаврихлу» ва м.ц.
Конкурсрал хIасиллу дунни Росгвардиялул Ккавкказуллал Ухссавнил округрал къавтIавурттал ва балайрдал ансамбльданул каялувчи, полициялул подполковник Василий Бурмистровлул. Цалчинсса кIану бувгьунни Шелковская станицалиясса Наиля Абазовал, кIилчинмур – Къизлардаясса Камила ХIамидовал, шамилчинмур – МахIачкъалалиясса Алина МахIиевал.
