Культуралул хаварду – кутIану

Къажлаевлун хас дурсса концерт

МахIачкъалалив, Къумукьнал театрдануву, ДР-лул халкьуннал артист Новруз Шахбазовлул каялувшиндаралу хьунни ДР-лул ПаччахIлугърал халкьуннал инструментирттал оркестрданул концерт.

Му хас дурну дия композитор, дирижер, СССР-данул, АФ-лул ва ДР-лул халкьуннал артист Мурад Къажлаевлул творчествалул ххуллул 70 шинан. Концерт хьунни «Дагъусттаннал композитортурал музыкалул панорама» тIисса фестивальданул лагрулий.

ЧIун мюнпат ххину ишла дуллан

ДР-лул Культуралул министерствалул вай гьантрай, Культуралул зузалтрал кьинилун хасну, итадаркьунни флешмоб «Культуралул лайк». Мунивух гьуртту хьун ччиминнан аьркинну бур цалла страницалий, Инстаграмраву, Фейсбукраву, Вконтакте, чув дикIу, цанма яла ххирасса искусствалул произведениялущалсса пост, видео ягу сурат дишин, кутIану ягу гьарта-гьарзану дурсса чичрулущал, чара бакъа #культурныйлайк тIисса хэштегралу. Яла хьхьичIунми ва цала ляличIишиврийну итталун багьми лайкь хьунтIиссар багьлул ххирасса бахшиширттан. Акциялул мурад – соцсетирдаву гьан дуллалисса чIун шайссаксса мюнпатрансса шаву.

Ттуруллавусса оьрчI

Жагьилсса режиссер Мухтар Магьдибековлул ларсунни террорданийн къаршисса кутIасса «Ттуруллавусса оьрчI» тIисса цIанилусса фильм. Аьрали питнардаву, террористурал кьюкьрал сукку тIутIавриву мюрщи оьрчIайнгу чIяруну къия дияй. Му кIанугу хIисавравун лавсун щаллу дурсса даву дур ва.

«Ххюра вечер»

Александр Володиннул «Ххюра вечер» тIисса пьесалийну бувсса спектакльданул премьера хьунтIиссар Оьруснал театрданул ЧIивимур залдануву вай бигьалагай гьантрай. Му хъанай бур ДР-лул ивкусствалул лайкь хьусса ишккакку Марина Карпачевал цIусса спектакль.

ХIадур бувссар
Бадрижамал Аьлиевал