Апрельданул 21-27-нний «Мир Кавказу» тIисса жагьилтурал элмийсса ва кIулшивуртту дулайсса проектрал лагрулийсса инттухуннайсса автопробег хьунтIиссар.11 шинни Кьиблалул федерал университетрал, ва цила бакIрайнгу ларсун, ванил сакиншинна дуллай.
КIира нюжмардул дянив ЮФУ-лул студентътурал 2 азарунния лирчусса километрарду ххуллул ритантIиссар. Автопробеграл манзилданий гьурттучитал цивппа кунмасса Дагъусттаннал паччахIлугърал университетрал, Чачаннал паччахIлугърал университетрал, Ингушнал паччахIлугърал университетрал ва Ухссавнил АьсатIиннал паччахIлугърал университетрал студентътуращал хьунабакьинтIиссар.
Вай хьунабакьавурттай студентътурал ххал бигьинтIиссар Ккавкказуллайн багьайсса ва шикку экстремизмалийн ва терроризмрайн къаршину дуллалисса давурттацIун бавхIусса масъалартту. Студентътурал дянив бантIиссар социал цIухху-бусурду, тематикалул фокус-группартту ва ккуркки столлу.
ХIакьинусса кьини «Къапкъазуллан дакьаву» тIисса ва проект ккаллиссар жагьилтурансса гъинтнил школагу, элмийсса ва кIулшивуртту дулайсса автопробег ва регионнал дянивсса элмийсса форумгу цивувасса хъуннасса проектран.
Ва проект ЮФУ-лул щурущи дурния шиннай 6 автопробег сакин дурну дур вайннал, итабавкьуну бур жагьилсса аьлимтурал давуртту цачIун дурсса 3 сборник ва гьар шинах жагьилтурал дяниву байссар тарихрая, патриотизмалия, миллатирттал дянивсса арардаясса цIухху-бусурду.
Шиная шинайн гьарза хъанай буссар проектравух гьуртту хьун ччисса жагьилсса аьлимтал, хъирив бизулт ва пишакартал.
ХIадур бувссар
З. АьбдурахIмановал
