ГАЗ – машинарттал ччуччия

Апрельданул 15-нний ДР-лул ХIукуматрал председатель Артем Здуновлул каялувшиврий хьунни машинарттал газонаполнителькомпрессордал станцияртту (АГНКС) баврил ва «Кристал-сити» тIисса индустриал парк лябуккан баврил масъаларттал хIакъиравусса батIаву.


Микку бувсунни цIанасса ппурттуву гьаз буллай бушиву республикалий мотордал ччуччия хIисаврай тIабиаьтрал газ гьарта-гьарзану ишла буллалаврил масъалартту.
ДР-лул Промышленностьрал ва энергетикалул министерствалул информациялийн бувну, Дагъусттаннай бан тIий бур 26 АГНКС, инвестортураща хьунтIиссар 30% харжлугърал субсидияртту ишла буван.

-Газрал заправкарттал станциярттал инфраструктура даврил давуртту архIал нани дуван аьркинссар тIабиаьтрал газ аьркин баврицIун машинартту бакьин баврил давурттащал», — увкунни Артем Здуновлул.
БатIаврий гьуртту хьунни ДР-лул ХIукуматрал председательнал хъиривчу Владимир Лемешко, цаппара министерстварттал ва ведомстварттал каялувчитал.