Аьщуйн щун баврил бяст-ччал

Дагъусттаннай хьунни Росгвардиялул управлениялул подразделениярттал ва Республикалул Виваллил иширттал министерствалул зузалтрал дянивсса битаврил бяст-ччал.

ЛичIи-личIисса журалул ярагъуннива битаврил бяст-ччал хьунни командарттал ва цивппа-цивппалусса зузалтрал дянив.
Бяст-ччалливу гьуртту хъанахъими личIи-личIисса манзилданий битлай бия Макаровлул ва Ярыгиннул пистолетирттава, Калашниковлул автоматирттава, снайпернал винтовкарттава.
Бяст-ччал ягинсса хьунни.

Аьм­сса хIасиллайн бувну цалчинсса кIану бувгьунни «Ястреб» СОБР-нул командалул. Шиккува бусан, вай гьантрай ва подразделениялул гьану бивзун 26 шин хьуссар.
Арцул медаль лайкь дунни «Гром» тIисса МВД-лул хасъсса подразделениялул зузалтрал, 3-сса кIану бувгьунни МахIачкъалаллал ОМОН-лул зузалтрал. Ххув хьуминнан медаллу, кубокру ва грамотартту дуллунни Дагъусттаннал Росгвардиялул управлениялул хъунама, полициялул генерал-майор МахIаммад Баачиловлул.