Зун дучри къааьркиннив? Бухьхьияра ЧIурттахьхьун!

ЧIурттащиял шяраву хъинну чIяву хьуну бур дучри. Дучрал илхъирду шяраваллил лагма-ялтту ядуллай бу­ссар. Амма ми канаки бан, итабакьин аьркинсса зунттурдуми тIурча, «курчIуну» ливчIун бу­ссар. Зунттайн цучIав гьан ччай акъар. Ва цими шинни жямат ми дучрал инжит буллай. Лухччайн ляличIинува хъунмасса зарал биян бай дучрал, хаснува гъин­ттулгу, кIинттулгу цава ца кIанай бусса чIумал.


КIинттул лагма щархъал дучригу бучIай, аьрщи луххайн кIура даен дувай. Му бакъа­ссагу, хъунмасса марххала був­сса чIумал, шяравун букIлай, цIинцI дусса кIанттурдацIух бук­лай, парал бакIурду хьуну бур кIичIирттаву, ххуллурдай. Ахънил, хIаятирттал лагма дургьусса чапардугума ппив дуллай бур.

Гьарца заманнай сийлий бивкIсса вай дучри бацултгу чунмай бакъа хьуну бурвав утти, «заллу акъасса» дучригу ччи-ччинийх занай бивтун?

Дучраха жул шяраву буххан­сса кIану бакъар. Ца-кIира шинавату вайннул щалла щарда цахьхьунна ласунссар. Циваннив, заллухъруннал ми дучри я бахлай бакъар, я чан буллай бакъар. Так ябуллай бур, ччи-ччинийх итабавкьуну, ччамарду буллали бувну. КIулсса куццуй, дучрал парал дурцIусса лухччиния дурсса лазуни гъаттарал дугу-къадукай.
Дучри маябару тIисса кIану бакъар, ябувара, мюнпат ласира.

Так жяматралгу, щарнилгу ялун бавкьуну маябулларду. Жунма кIулсса куццуй, хьхьичIра дучрал илхъирду кIинттул къутаннайн гьан дайссия. Утти тIурча, шяравува ябан ччай бур, инсанталгу цIуру-кIурутIи бувну. Заллухъруннахь лухччиния букьан бара увкукун, гьарнал ми ттул бакъар учай. Туну, вай щилли?
Гьарца заманнай сийлий бивкIсса вай дучри бацултгу чунмай бакъа хьуну бурвав утти, «заллу акъасса» дучригу ччи-ччинийх занай бивтун?

Мурсаби Кьадиров,
ш. ЧIурттащи