КкурчIа. Шиккур ялун нанисса никирахь цалчинми дарсру дишайсса. Шиккур итабакьайсса цалчинми хавардал «кказит». Щинав ва щинату нанисса душварах ябитан ккурчIаври жагьилтал буккайсса бивкIсса. Шайсса бивкIссар чIявуми жагьилтуран ва душваран талихIгу.
ХIажимурад ХIусайнов
ХьхьичIва ккурчIав хъунмурчIин ахттакьунмайри буккайсса бивкIсса. Ахттавай циняв давурттахун багьну бикIайсса буну тIий. Амма жула хIакьинусса ихтилат жуламур заманалиятур.
Уттигъанну на мадара хIаллай щяивкIссияв Ккуллал ккурчIав. КкурчIа бувминнал бувсуна ттухь чIявусса хаварду. Вайннал зумату нанимунил агьаммурну бия: «Журу лакрал миллатрал вилах ядуллалими, журу Лакку билаятрал ужагърай цIу лещан къаритлатими» тIисса.
Ца яла хъуннамур ххаришиву ялагу ци дия учирча – нал буккайсса бия «Илчи» кказит. Мугу ттун кказитрай рирщусса макьаларттая буллалисса ихтилатирттайну кIул хъанай бия.
