ЦIакь хьусса аьдатрайн бувну, А. Къапиевлул цIанийсса Лакрал паччахIлугърал музыкалул ва драмалул театрданул Хъаннил байрандалун хасну хIадур дурну дия авадансса ва яргсса концертрал программа – «Интнил марч».

Зулайхат Тахакьаева
[dropcap]Ф[/dropcap]онограмма ишла дакъа, халкьуннал инструментирттахун халкьуннал балайрду нажагьссавагу къабаяй хIакьину Дагъусттаннал сахIнардай. Лакрал театрданул концертирттай тIурча, халкьуннал инструментирттахун балайрду учаву агьамсса ишри.

[dropcap]М[/dropcap]унияту махъсса концертирттай, лак бакъассагу, цайми миллатирттал тамашачиталгу къачансса хьунабакьай. Гьантрал хьхьичIва хъямала бувну бия билетругу. Театрданул артистътуравух гьуртту хьунни театрданул концертирттал чIумуя-чIумуйнсса хъамалну бучIайсса Жанна Кьурбанова ва Аьли Абакаров.

Тамашачитурал ххуйну кьамул бунни цIуну сахIналий шаттирду ласласисса балайчи РавхIаният Зайпуллаевагу.
Концертрал программа хъиннура чIюлу дурунни театрданул балетрал труппалул солистурал, Дагъусттаннал ва Ингушнал лайкь хьусса артистал Илдар ва Жамила АхIмадовхъал каялувшиндаралу­сса балетрал школалул мюрщулт­рал къавтIавуртталгу.