Ва барта мяш,
Барта-къакъа мяш,
Вай хъамул
хъурзилтту мяш,
Хъахъи муккул
хIисилтту мяш!

Баргъ-гъарагъи дакьиннав,
Ттурзан урттул дуччиннав,
Ппал гъаттарал буцIиннав,
ЦIарал лама гуж хьуннав,
Гъили кьини дагьаннав,
Къурагъшиву къахьуннав!
КIира сумай шанма
чIали ххяхханнав!
Тта бюхъаннав,
Хъю дюхъаннав,
ХъузалтрацIун
бавкьу гьантри
Чан къабаннав!
Лухччинул чIан дуцIиннав!
Хъунил бакI дуцIиннав
Сурду къалмул
ялтту наннав,
ЧчатIул кьимат
кIул къабаннав!

ЦIуцIаву-цIал цIарахьхьун,
ЦIуллушиву чурххахьхьун
Ва барта мяш,
Барта къакъа мяш,
Вай хъамул хъурзилтту мяш,
Хъахъи муккул
хIисилтту мяш!