ДакIнийхтуну барча буллай буру жулва коллегахь, гьашину нину хьусса Космина Къардашовахь Хъаннил байран.
Ва цIана Москавуллал университетраву зий бухьурчагу, мудан жущалва, жула чIарав бусса кунма бикIару.
Ххирасса Косминай, жу вин цIакьсса цIуллушиву, хъуни-хъунисса ххаришивуртту чIа тIий буру. Ххари булланнав мудангу ласнал Маликлул ва арснал Тимурдул. Бартлаганнав вил дакIнийцири мурадру, тачIав ссалчIав буруккин къабагьаннав, дуниял бургъил дурцIунура личIаннав!
Дагъусттаннал паччахIлугърал университетрал филологиялул факультетрал оьрус мазрал ва литературалул кафедралул коллектив
ДакIнийхтуну барча дуллай ура щалагу жула къушлил чулуха дяъвилул ва захIматрал ветеран Даудова ПатIимат Кьурбанисмяиллул душнил, оьрмулул 90 шинал юбилей, мукунма барча дуллай ура ялун нанисса Хъаннил байрангу.
Ттун хъунмасса барчаллагь учин ччай бур ттула ссихьгу, ва кунмасса лакрал цайми-цайми виртталсса хъаннихьгу дяъвилул къизгъинсса шиннардий, хьхьу-кьини къакуну, зий-захIмат буллай бивкIсса. Даудова ПатIиматгу, къушлий 8 оьрчI буну, инжитсса ниттин кумагран, школагу кьабивтун, колхозраву зий бивкIссар, кьункраха къуллугъ буллай, яла – звеновойну.
Мудангу бивкIссар цийнна тапшур дурсса даву лажин кIялану биттур дуллай. Гай шиннардий бивсса гужирая ПатIиматлун ца ччарлугу кьукьин багьссар 1956 шинал. Гания шихунмайгу, цила къушгу бувну, оьрчIругу хъуни бувну, ччарча ласнащал даэлий, ччарчан буттал шяраву хъунмасса захIмат бивхьусса хъамитайпар ва.
Жу цинявппагу, вил уссурвал, ссурвал, дакIнийхтуну вил юбилей барча дуллай буру. Вин Аллагьнал буллусса гьантри рахIатсса хьуннав.
Амин Аьбдуллаев
[dropcap]В[/dropcap]ай гьантрай ниттил увну 65 шин шаврил юбилей кIицI ларгунни, лакрал дянив акъассагу, республикалийгу цIа машгьурсса, агьалинан гьарца чулуха бусрав хьусса, Хъусращиял шяравасса Акбардул арс Абакаров Жабирдул.
Жабир мудангу чIарав ацIайссар шяраву хъанахъисса, хъунисса дикIу, мюрщисса дикIу, жяматрайн дагьайсса давурттал.
Барча уллай жула жяматрал ххаллилсса арс, чIа тIий буру вин цIакьсса цIуллушиву, талихI-тирхханну, оьрмулул ххуллий гьарца ша тIайла бавцIуну, вания тинмайгу оьрму бусравну бутансса кьудрат.
Хъусращиял жямат,
шяраваллил администрация
Март зурул 4-нний оьрмулул 70 шинал юбилей хьунадакьлай дур жул аьзизсса нину, Гьухъаллал шяравасса Султанова Жавагьи Валиаьвдуллагьлул душ.
Щала оьрму жун хас бувсса, гьарца жу бивзсса шаттирал хъирив дуаьртту дуллайннасса аьзизсса дадай! Ина бувсса захIматгу, вил насихIатругу жун мудангу эбратну хьуссар.
ДакIнихтуну барча дуллай буру вил юбилей.
ЧIа тIий буру цIуллушиву, вила оьрчIру, оьрчIал оьрчIру лагма лавгсса талихI-тирхханнарайсса оьрму.
Бартлаганнав вил дакIнийсса мурадру, къабагьаннав вин тачIав ссалчIав буруккин.
Душ Рукьижат, арс ХIажимахIаммад, оьрчIал оьрчIру, ссурвал ва цинявппагу гъан-маччами.
