Чичу барча ан бувкIун бия

[dropcap]М[/dropcap]арт зурул 6-нний Расул ХIамзатовлул цIанийсса Национал библиотекалуву хьунни Дагъусттаннал халкьуннал чичу Мирза Давыдовлун 80 шин шаврин хас бувсса мажлис.

Имара Саидова
Шаэр юбилейращал барча ан бувкIун бия Дагъусттаннал халкьуннал шаэр Ссугъури Увайсов, Дагъусттаннал Чичултрал союзрал секциялул хъунама Илияс МахIаммадов, Дагъусттаннал халкьуннал шаэр Космина Исрапилова, Лакрал райондалул Хъунисриннал советрал председатель, шаэр Даниял Магьдиев, Дагъусттаннал мазурдил кафедралул доцент Ххазина Аминова, «ЦIубарз» журналдануд редактор Хизри Илиясов, шагьрулул школарттал лакку мазрал дарсирдал учительтал, студентътал ва м.ц.

Мирза Давыдовлул творчествалун лавайсса кьимат бишлашисса ихтилатру бунни Даниял Магьдиевлул, Дагъусттаннал халкьуннал шаэр Аминат Аьбдулманаповал, филологиялул элмурдал кандидат, профессор Роза Эльдаровал.
Шаэрнал назмурду дур­ккунни шагьрулул школарттал дуклаки оьрчIал.
Шаэрнал мукъурттий­сса балайрду увкунни Луиза Шагьдиловал ва ХIажиаьли ХIажиаьлиевлул.
Библиотекалуву тIиртIуну дия шаэрнал творчествалун хас дурсса выставкагу.