Хъаннил савлугърансса концерт

Дунияллул халкьуннал дянивсса хъаннил байрандалун хас дурсса концерт хьунни МахIачкъалалив, М. Горькийл цIанийсса Оьруснал театрдануву.

Бадрижамал Аьлиева
Ва хьхьунусса бусравсса хъамаллуравух бия Дагъусттаннал ХIукуматрал председательнал цалчинсса хъиривчу Анатолий Карибов, ДР-лул культуралул министр Зарема Буттаева ва чIявусса цаймигу.

Шадлугъ дайдирхьуна Да­гъусттан Республикалул БакIчи Владимир Васильевлул чулуха­сса барча баву дуккаврийну.
Гихуннай ккаккан дур­сса концертрал программалий гьуртту хьуна цIанихсса «Лезгинка» ансамбль, дунияллул халкьуннал даражалийсса чIярусса конкурсирттал лауреат Марио-Аьли Дюранд-Сутуев, Аьрасатнал ФСБ-лул дазу дуруччултрал ансамбльданул солист Игорь Михайлов ва чIявусса цаймигу.