[dropcap]М[/dropcap]артрал 12-нний ДР-лул ХIукуматрал председательнал 1-ма хъиривчу ХIажимахIаммад ХIусайновлул каялувшиврий хьунни «Хъинсса ва мюхчансса ххуллурду» тIисса национал проект дузрайн дуккан даврил комитетрал батIаву.

БатIаврий ххал диргьунни проект бартдигьаврил давуртту ссайн дирну дуссарив, захIматми масъалартту дузал баврил ххуллурду, проектрайн ласунсса дахханашивуртту.

ХIажимахIаммад ХIусай­новлул тIимунийну, проектрал дур хъуннасса социал мяъна, цанчирча мунил регион щаллу дуван аьркинссар ххуй-хъинсса ххуллурдал. ЦIанасса ппурттуву му проектраха унгу-унгуну зун аьркинссар, луртанну аьркин­ссаксса дур. Утти гьармунил хъар дагьлагьиссар циняв жаваблув­сса давуртту бартдигьайми хIала-гьурттуну зузаврийн.

ЧIяруми давур­тту МахIачкъалалив дул­лан­­тIиссар.
ХIакьинусса кьини, ДР-лул Транспортрал ва ххуллул хозяйствалул министерствалул ккаккиярттайн бувну, национал проектравух гьурттуну бур Аьра­сатнал 83 региондалиясса 104 агломерация. ЧIяруми давуртту бартдигьин аьркинну дур Да­гъусттаннал хъуншагьрулий, микку буван аьркинссар 72 ххуллу, бакьин буван аьркинссар 57 ххуллу. Бакьин буван бувссар республикалул 2 ххуллугу. Аьмну лавсун 2019 шинал бакьин бувантIиссар 66,4 километра ххуллурдал.
БатIаврий тIайла дацIан дунни проектрал лагрулий бартдигьин аьркинсса давурттал план-график.

ХIадур бувссар
ХI. Аьдиловлул