Спикер Хизри Шихсаэдов бакIчисса Дагъусттаннал парламентрал делегация юрухъ аьрххилий бувкIунни Азирбижаннал Республикалийн.
Делегациялувух бур парламентрал вице-спикер Камил Давдиев, Дуккаврил, элмулул, культуралул, жагьилтурал иширттал комитетрал председатель Мурат Пайзуллаев, Бюджетрал, финансирттал ва налогирттал комитетрал председательнал хъиривчу Биярслан Изиев ва цаймигу депутатътал.
Юрухърай лавгссар ДР-лул Халкьуннал Мажлисрал ва Азирбижан Республикалул Милли Мажлисрал парламентирттал дянив уртакьну зузаврил хIакъираву чирчусса кьутIилул лагрулий.
Дагъусттаннал делегациялул тIутIив дирхьунни Аьзиз Аьлиевлул, ХIайдар Аьлиевлул гьайкаллацI ва Шагьидтурал Аллеялий.
[dropcap]М[/dropcap]уния махъ Азирбижаннал Милли Мажлисрал къатраву хьунни АР-лул парламентрал председатель Октай Асадовлущалсса хьунабакьаву. КIивагу чулуха ихтилатру бувминнал кIицI бунни укунсса хьунабакьавурттайну цIакь хъанахъишиву дусшиврийсса дахIавуртту. Миннал бувсунни цалвами пикрирду аьрщарал арардал бутIуву ва кIанттул цилакаялувшиврул сакиншиннардал хIакъиравусса законну кьамул даврил масъаларттая. Хъамал кIул хьунни мукунма Азирбижаннал даврил уртакьтурал комитетирттаву дуллалисса давурттащал.
ХIадур бувссар
ХI. Аьдиловлул
