ЦIуссалакрал райондалийсса Пионертурал ва дуклаки оьрчIал къатлуву дарсирдая махъ чIун мюнпатну гьан дуван ччиминнан тамансса кружокру дур.

«ЧIава художник» кружокрал лахьхьин бувай оьрчIан суратру дишингу,

лачIун даврил (лепкалул) давугу. Ва кружокрайн заназисса оьрчIру гьуртту хьунни Аьрасатнал оьрчIал «КIинтнил магьа» тIисса творчествалул конкурсрайгу, микку ххуйсса кьимат бивщунни вайннал дурсса суратирттан.

[dropcap]П[/dropcap]ионертурал къатлул директор Гаппаева Пакият бур, оьрчIру, интернетраву аьдада чIун гьан дуллайнияр, цачIанма занай бушиврия мюнпат чIалай, нитти-буттахъул кружокирттайн цIа чичара тIий бучIай, оьрчIан цанмагу гъира буну хIала буххай тIий. Ттигъаннугу шикку райондалул оьрчIал дянив хьунни сурат дишаврил конкурсгу, жангри щащаврил пагьмулул конкурсгу.

[dropcap]В[/dropcap]а конкурсрай хьхьичIунсса кIантту бувгьуминнавух бур Аьбдуллаева СахIибат (1-мур кIану), Аьбдуллаева Саида (2-мур кIану), мукунма сурат дишаврил конкурсрай 1-мур кIану бувгьуссаннавух бур Акаева Аминагу. Вай душваврал магьирсса каруннил дурсса суратирттал дуниял, буниялттунгу, караматсса дур.