Аьлиллул душ Ибрагьимова Щаза
Декабрь зурул 8-нний аьпалухьхьун лавгунни дакI-аьмал аьчухсса, иминсса хасиятрал инсан, Кумиял шяравасса Аьлиллул душ Ибрагьимова (Щамххалова) Щаза.
Щаза бувну бур 1948 шинал Кумиял шяраву. Буттал шяраву школагу къуртал бувну, дуклан бувххун бур ДГУ-лул химиялул факультетрайн. Университет къуртал бувну махъ, жагьилсса пишакар най бунува кьамул бувну бур «Эльтав» заводрал химиялул лабораториялул каялувчину. 1970 шинал Щаза щар хьуну бур Читтуратусса Ибрагьимов Мусалавлун. Миннал 50-ннийн дирсса шинну дурну дур цаннан ца ххирану, бавкьуну цачIу ялапар хъанай.
Ххирасса бия Щаза гъан-маччанан, чIахху-чIарахнан. Ва цуппагу бия ласнал ниттил, ляхъиндалул хIурмат бусса уздансса хасиятрал заллу.
Щаза дунияллия лагаврил кьурчIишиву кIидачIлай, жижара буллай буру ласнахь, арснахь, душнихь, ссурваврахь ва цинявппагу гъан-маччанахь.
Имандалий лавгун лякъиннав, рухI чаннаний, чурх куклуний бишиннав.
Читтурдал жямат
Жулва чIунархIал душнихь Ибрагьимова Марижатлухь кьурчIишиву кIидачIлай буру, ванил ххирасса ппу
Ибрагьиннул арс Ибрагьимов Жамалуттин,
дяъвилул ветеран, аьпалувух ишаврийн бувну. Мукунна пашманшиву кIидачIлай буру кулпат Баянатлухь, арсурваврахь ва душварахь, щалва агьлу- авладрахь. Жамалуттиннул барачат махъ ливчIун лякъиннав, зувагу оьрмулул буччиннин битаннав. Бунагьирттал аьпа баннав зул дакIнил хъинсса ласналгу, бутталгу.
Марижатлущал дуклай бивкIми
