Чансса бакъар барткъабивгьусса масъаларттугу

[dropcap]В[/dropcap]ай гьантрай МахIач­къа­лаллал бакIчи­нал бурж­ру чIумуйну биттур буллали­сса Мурад Аьлиевлул Кировский райондалул бакIчи СалихI Сагидовлущал архIал ххал бувунни ДОСААФ микрорайондалийсса чIярусса шиннардий цачIун хьу­сса масъалартту.

З.АьбдурахIманова
Вай чансса бакъар: ххуй бакъасса ххуллурдая тIайла хьуну, гьарца кьини лешлаши­сса ттукIрайн бияннин. Къуллугъчитурал къулагъас дурунни микрорайондалул кучардай чирахъру лавхъсса бух хьу­сса тталлах ва кьяркьарал, щинал гьузузисса ххуллурдах. Мурад Аьлиевлул, тагьарданущал кIулгу хьуну, амру бувунни ца­ппара ххуллурдайн ххюл бивчуну, ми лаян бансса хасъсса техника ишла дан.

— Ва микрорайон шиная шинайн хъуннагу хъанай, халкьуннан хъинну жапасса масъалартту салкьи хьусса кIану бур. Ларг­мур шинал жуща бювхъуна шиккусса 5 куча «Мюхчан­сса ва ххуйсса ххуллурду» тIисса федерал программалийн бутан. ЧIал къавхьуну, ххуллурду бакьин буллалаврицIун, гъарал щин лагайсса канализациягу дуллали­сса давур­тту дайдишинтIиссар, — увкунни М.Аьлиевлул.

[dropcap]В[/dropcap]айннал мукунма ххал бувунни каналданул ялттусса хъун бакъасса ламугу. ЦIана ва халкь занан хъинну нигьачIисса тагьарданий бухьувкун, шагьрулул бакIчинал амру бувунни ламу цIу буккан буллансса давуртту сукку дан.
Ванал кIицI лавгунни чIал къавхьуну микрорайондалий цIусса мукьва трансформатордугу бишинтIишиву ва кучардай кIалахIилул мурхьругу бугьлай су­кку хьунтIишиву.