[dropcap]Я[/dropcap]нварьданул 30-нний МахIачкъалаллал администрациялий хьунни хъуншагьрулул бакIчинал кIанайн кандидатурартту дирхьуминнащалсса ихтилатру буллалисса махъра-махъсса ятIап.
Залму АьбдурахIманова
Гьарца кандидатнал дачIи ссятрал дя- нив комиссиялул вакилтурал, жяматий- сса ишккаккултрал ва журналистурал чулухасса цава-цавай суаллахьхьун жавабру дуллуну дур.
Шагьрулул бакIчинал кIанайн най ивкIсса 40 инсаннава бакIрайва 4-ннал аьрзри махъунмай лавсун бур, 2 инсан увагу къаувкIун ур ккаккан дурсса кьини цалла программарттащал комиссия кIул бан ва 4 инсан рязи къавхьуну ур журна- листал ва жяматийсса ишккаккулт бусса кIанай махъ лахъан.
Салман Дадаев январьданул 31-нний, конкурсрал махъра-махъсса кьини, комиссиялул язи увгьунни шама инсан: Москавлия учIан увсса, Басман райондалул управления- лул хъунаману ивкIсса Салман Дадаев, МахIачкъалаллал бакIчинал хъиривчуну зий ивкIсса Аьвдулмуъмин Ибрагьимов ва Кировский райондалул депутатътурал мажлисрал хъунмур Эльмира Абиева. журналистурал ва комиссиялул хьхьичIсса цала ихтилатирттаву Аьбдулмуъмин Ибрагьимовлул ва Эльмира Абиевал бувсунни цивппа цала кандидатурартту дукьлай бу- шиву, Салман Дадаевлун тIайлабацIу чIа тIий. Хъирив МахIачкъалаллал шагьрулул мажлисрал депутатътурал Салман Дадаев цIакь увунни махIачкъалаллал бакIчину.
Цинявннахь барчаллагь тIисса цала мукъуву цIуну увчIусса бакIчинал кIицI бувунни, циняв цачIун хьуну, лагма лавгун, хъунисса ва агьамсса давуртту дуллансса ниятрай ушиву.
