Капремонтрал программа

2018 шинал республикалул капитал ремонтрал программа бартдиргьуссар, бакьин був­ссар 50 чIявуквартирартту бу­сса къатта.

Капремонтрал фондрал каялувчи МахIаммад Аьлиевлул тIимунийн бувну, ми къатри бакьин буван харж дурну дур 281 млн ва 64 азарда къуруш. Къатри бакьин бувссар МахIачкъалалив, Каспийскалий, Буйнакскалий, Избербашлив, Дарбантлив, Къизлардай, Къизилюртлив, Хасавюртлив.
Микку даххана дурссар дух дурксса лифтру, инженер сет­ру, дакьин дурссар фасадру ва цIияллу.
2019 шинал Дагъусттаннай бакьин бан ккаккан бувну бур 50 къатта (159 азарда кв. м.) , миккун харж дан аьркинссар 212,5 млн. къуруш. Фондрал каялувчинал пикрилий, гьашину бюхъайссар капремонтрахсса арцу (взносру) дукIунияр гьарзану ратIин, мукун хьурча, бакьин бансса къатригу гьарза хьунтIиссар.