Декабрьданул 25-нний «Аьрасат – ттул тарих» тIисса музейраву хьунни «Язи увгьусса 100 ишбажаранчи» тIисса республикалул конкурсрай ххув хьуминнан бахшишру дуллалисса шадлугъ.
Залму АьбдурахIманова
ЦIубакIрай лайкьну конкурс дурхIусса ишбажаранчитал барча бувна Республикалул ижбаранчишиврул ва инвестициярттал агентствалул каялувчи ХIажи ХIасановлул.
«Дагъусттаннай цалнияр-цал ххи хъанай бур хIарачат бусса, конкуренция духIан бюхъайсса ва вихшала дишин шайсса предприятияртту ва бизнес-проектру. Шиная шинайн лахъ хъанай бур жула ишбажаранчитурал ва миннал предприятиярттал даражагу, налогру дулун бюхъайсса каширду ва кIулшивурттугу.
Чансса бакъая ххув хьуминнавух жула лакгу. «Производсто» тIисса номинациялий бахшишран ва «ДР-лул яла язима ишбажаранчи» лишандалун лайкь хьунни Ккуллал шяраватусса, МахIачкъалалив нахIу-нацIушивуртту дуллалисса «Сахара» ООО-лул каялувчи Маржана Алхулаева.
Зу, зунмасса маэшат бакъассагу, хъуннасса даву дуллалиссару республикалул экономикалувугу»,- увкунни ванал.
«Язи увгьусса 100 ишбажаранчи» тIисса ва конкурсрал чIалачIи дуллалиссар жулла республикалул бизнес-сообществалул аьмсса тагьар, даража. Цумур-цагу укунсса журалул конкурс хъанахъиссар ца аралул пишакартал цачIун батIайсса, цала даврил опыт кIибачIайсса, цаннахь ца маслихIат-насихIат бусайсса майданну. Ва ишбажаранчитурал дянивсса конкурсгу жучIара дувайссар 10 номинациялийх дарчIуну.
Чансса бакъая ххув хьуминнавух жула лакгу. «Производсто» тIисса номинациялий бахшишран ва «ДР-лул яла язима ишбажаранчи» лишандалун лайкь хьусса Ккуллал шяраватусса, МахIачкъалалив нахIу-нацIушивуртту дуллалисса «Сахара» ООО-лул каялувчи Маржана Алхулаевал бувсунни укунсса журалул конкурсирттая хъунмасса хайр бушиву ва ялунгу вайннувух гьуртту хьусса цумур-цагу предприятиялул сий-бусрав лахъ хъанахъишиву. Маржанащал ва конкурсрай ххув хьусса жула лакрал ваймигу ишбажаранчитуращал гихунмайгу хьунабавкьуну, вайннал каялувшиврулусса производстварттая жу гьарта-гьарзану бусанмур банну.
