КIанттул отделениялул партиялул каялувчи, Лакрал райондалул бакIчи, ХIамидлул арс Юсуп МахIаммадов гьуртту хьунни Москавлив хьусса «Единая Россия» партиялул ХУIII съездрай.
Дагъусттаннал делегациялул бакI дургьуману ия «Единая Россиялул» Хъунмур советрал член Аьбдуаьлил арс Владимир Васильев.
[dropcap]М[/dropcap]у мероприятиялул лагрулий 3500 делегатная ва хъамаллурая сакин хьусса майданнив дискуссияртту нани дурну бия шанна ккурандалий – «Обновление», «Открытость» ва «Лидерство» тIисса. Ми майданнал давурттавух чялишсса гьурттушин дуллай бия жула Дагъусттаннал вакилталгу.
