Коррупциялул кару кутIа дан

[dropcap]В[/dropcap]ай гьантрай МахIач­къа­лаллал прокурорнал кумагчи, юстициялул советник ТIагьир ХIасанбагов хьунаавкьунни вневедомственный къаралданул шагьрулул управлениялул зузалтращал.

Ванал бувсунни Росгвардиялул зузалтрахь коррупциялийн къаршисса Аьра­сатнал законная ва жула региондалий коррупциялун ххуллу кьукьаву мурадрай дуллалисса давурттая. БувчIин бунни коррупциялул иширттах цукунсса танмихI байссарив.

Вневедомственный къаралданул управлениялул хъиривчу, полициялул полковник Арсен АьбдуллахIовлул барчаллагь увкунни мюнпатсса ихтилат­рахлу ва маслихIат ккавккунни укунсса хьунабакьавуртту ччя-ччяни дуллан.