[dropcap]В[/dropcap]атандалул Вирттаврал кьинилун хасну Дагъус­ттаннал Росгвардиялул управлениялий хьунни структуралул подразделениярттал зузалтрал дянивсса шахматир­ттал турнир.

Бяст-ччаллал хIасиллайн бувну, командарттаву цалчинсса кIану бувгьунни МахIачкъалаллал ОМОН-лул командалул, кIилчинмур кIану бувгьунни вневедомственный къаралданул управлениялул зузалтрал, шамилчинмур – Каспийскаллал ОМОН-лул командалул.

— Жул зузалтран дакIнийссар ва хIурматрай буссар Ватандалул Вирттал. Росгвардиялул кьюкьлувугу урчIа Виричу уссар, арулуннан дуллуссар ва бюхттулсса цIа аьпалул хьуну махъ. Мунияту цинярдагу подразделениярттал зузалт гъирарай гьуртту хьунни ва турнирданий ва ккаккан бунни цала гьунарду, — тIий ур Росгвардиялул управлениялул хъунаманал кумагчи, полициялул полковник Константин Шиян.
Бяст-ччал къуртал хьуну махъ хьхьичIунсса кIанттурду бувгьуминнан буллунни кубок­ру, медаллу ва грамотартту.