Дагъусттаннал БакIчи Владимир Васильевлул республикалул циняв ялапарлувтал барча бунни ца яла агьаммур паччахIлугърал байранну хъанахъисса Аьрасатнал Федерациялул Конституциялул Кьинилущал.

«Гьашину жува кIицI дуллай буру жула билаятрал Конституциялун 25 шин шаву, му кьамул баврил хъунмасса кIану бувгьуссар Аьрасатнал паччахIлугъ цIакь шавриву. Ттизаманнул Аьрасатнал Конституциялий цIакьсса гьану бивзун бур жулва жяматраву дакьаву ва аслахIшиву щаллу даву мурадрай, ккаккан дурну дур инсаннал ихтиярду ва тархъаншивуртту.

Гьанулул закондалий ккаккан був­сса нормарду кьянкьану буруччаврийну жула билаят ттинияр тихунмайгу хьхьичIунмай хъанантIиссар, мунияту хъуннасса агьамшиву дуссар Конституциялул принципру буруччаврил, миву хIисавравун ларсун дуну тIий демократиялул паччахIлугърал праволул ва социал шартIру.
ХIакьину Дагъусттаннал чIя­вумиллатру бусса жяматраву хIа­сул хъанай дур салкьи хьусса захIмат­шивуртту духлаган дувансса каширду ва чаранну. На дакI дарцIуну ура, цачIун хьуну, жущава бюхъаншиврий тамансса ххуй-хъин буван жула инсантурал оьрмулул даража.

Циняв дагъусттанлувтуран чIа тIий ура цIакьсса цIуллушиву, барачат ва узданшиву, хъиндайдихьур­ттаву тIайлабацIуртту Дагъусттаннангу, Аьра­сатнангу хъиншивурттал цIаний», — тIий бур барча баврий.