Ххишаласса харжру къабукланшиврул

МахIачкъалаллал администрациялий хьунни цаппарасса дахханашивур­тту.

Утти­гъанну шагьрулул бакIчину ивтсса Мурад Аьлиевлул хIук­мулийн бувну, администрациялул зузалтрал сияхI 70 инсаннал чIири дурну дур.

КутIану учин, махъппурттуву цинявннал зума-ккарччулусса «оптимизация» дурну, вайксса инсантуран буллай бивкIсса харжру утти нани бантIиссар цайми давурттан. Цанния ца хъуннасса личIишиву дакъасса мурадру бусса отделлу цаннивух ца хIала бавкьуну бур.

ЦIана аьмну администрациялий зий ур 180 инсан ва ттинин бивкIсса 20 отделдания ливчIун бур 14.
Даврия букьан бувсса пишакартурал 40 % цайми муниципал къуллугъирттай даврил щаллу бувну бур.