[dropcap]В[/dropcap]ай гьантрай хIасиллу дунни Дагъусттаннал Юстициялул министерствалул баян бувну бивкIсса «Дагъусттаннал полициялул зузи кьинирду» тIисса республикалул журналистурал дянивсса конкурсрал.

Конкурсрай цалчинсса кIану бувгьунни «Илчи» кказитрал журналист, гужирдал структурардал отделданул редактор Андриана Аьбдуллаевал.
Конкурсрайн дуллуну дия 20-нния ливчусса кказит-журналлал ва радио-телевидениялул зузалтрал давуртту, аьмну 54 даву.
Андриана кказитрай зун бивкIния шихунмай лайкьну аьч дуллай буссар гужирдал структурардал даву. Жул щак бакъая ва конкурсрайгу ванил хьхьичIунсса кIану бугьаншиврий.
Шиккува бусан, ванил зурул хьхьичI ДР-лул Миллатирттал политикалул министерствалул баян бувсса миллатирттал дянивсса дакьаву ва Дагъусттаннал халкьуннал аслийсса культура дуруччаврил масъалартту гьаз буллалисса цамургу конкурсрай бувгьуссия кIилчинсса кIану.
Ххувшавурттащал барчагу буллай, чIа тIий буру жула Андрианан ттиния тихун­майгу тIайлабацIуртту ва хьхьи­чIун­най­шивуртту.
Имара Саидова