Октябрьданул 7-нний Грознай шагьрулий хьунни «Ахмат» ва «Анжи» футболданул командарттал дянивсса бяст-ччал.
Руслан Къардашов
[dropcap]В[/dropcap]а тIуркIулий ххув хьуманал цIа ялун къалирчунни. Цуксса данди бацIаву кIирисса диркIссарив ккаккан буллай бур судьянал мяйра аькIлул карточка ккаккан дуршиврул. Ва кьини командарттал къапурду аьч бан къавхьунни, тIуркIу къуртал хьунни 0:0 счетрайну.
Хъиривмур тIуркIу «Анжилул» хьун аьркинссар октябрьданул 19-нний Каспийскалий. Амма хьунтIиссарив цалсса балжину чIалай бакъар. Ларгсса нюжмардий «Анжилул» футболистурал чивчуну бия тIивтIусса чагъар. Футболистурал баян бунни, харжру къабулурчан, буржру къалахъларчан, футболданул майданнив къабуккантIишиву ЦСКА-лущалсса тIуркIулийн.
