Гьава бякъайхту жува байбишинтIиссару токрайсса, газрайсса пачру лахълай, къатри гъили буллай. ДакIний битияра, ургъил бакъа кьабитарча,
миннуя къатрацIух цIу лачIунсса хъуннасса нигьачIаву дуссар. ИчIура ишла дайсса электроприборду саргъунну зий дурив ххал дан ва тIайлану ишла дуллан аьркинссар.
Электроприборду, токрал ххаллу дакьин дан бучIиссар так мукунсса давуртту дуллансса ихтияр дусса пишакартуран.ЧIярумур чIумал цIу лачIайссар, токрал ххаллай ягу электроприборданий дахьрасса замыкание хьуну (ва шинал мукунсса 18 иш хьуну бур).
ЦIу ларчIсса ишру къахьуншиврул ишла дуллан аьркинссар заводрай итадаркьусса предохранителлу, къабучIиссар ишла дуллан изоляция зия хьусса ххаллу, саргъун дакъасса электроприборду.
Ссутнива кIинтнивун бухлахисса чIумал, ххуйну ххал дан аьркинссар чани бувцусса электросеть, баххана бан аьркинссар бух хьусса кIанттурду.
Хъуннасса нигьачIаву дуссар цIу дагьансса газраягу.
Мукунсса балаллуя мюхчан хьуншиврул къатравун газ буцин, газрал оборудование дишин, даххана дан ягу дакьин дан оьвчин аьркинссар газрал къуллугърал пишакартурайн.
Мудан ялув бавцIуну бикIан аьркинссар, къатравусса газрал приборду саргъунну зий дурив ккаккан. ЦукунчIав къабучIиссар мюрщисса оьрчIру газрал прибордаха зун битан, мукунма зузисса приборду ургала акъа кьаритан.
ЧIяруну цIу лачIайссар, ци-бунугу багьана хьуну, къатлуву цачIун хьусса газ пIякь увкуну. 2017-2018 шиннардий МахIачкъалалив мукунсса 13 иш хьуну бур.
Сайки цинявннуву инсантал оьрмурдацIа хьуну бур. Балики къатлуву газрал кьанкь ришлай духьурча, анаварну газ нанисса кIанугу лавкьуну, циняв чIавахьулттив тIитIин аьркинссар. Газрал кьанкь дусса чIумал, цукунчIав къабучIиссар чани лахъан, къабучIиссар мукунма спичкарду, зажигалкарду лахъан.
Цаппара маслихIатру отоплениялул хIакъиравуссагу. Пачру лахъаннин ми ххуйну ххал бувну, бакьин бан аьркинссар.
ЦукунчIав къабучIиссар саргъун бакъасса пачру лахъан.
НигьачIаву дуссар хъякру дусса ва пуркIу буккайсса кIанттурду саргъунну бакъасса пачлия ва каминдалия.
Дуруччияра цIараща бурувччуну бикIансса тIалавшиннарду.
Буруччияра зулва зува!
Умар Умаров, хъунама дознаватель
ХIадур бувссар
А. Аьбдуллаевал
