Гьарца зат ххуллурдаяр дайдишайсса

Вай гьантрай ДР-лул БакIчи Владимир Васильевлул ва АьФ-лул транспортрал министр Евгений Дитрихлул Ма­хIачкъалалив дунни респуб­ли­калий транспортрал инфраструктура лядуккан даврил хIа­къиравусса батIаву.

Евгений Дитрихлул тIи­мунийну, транспорт хъанай дур ччимур региондалул экономикалул лябуккулул ца базу-бутIа. «Транспорт – му жула бучIантIимурди, хьхьичIуннайшивур», — увкунни Евгений Дитрихлул. Мунал барчаллагь увкунни республикалул каялувчинахь Дагъусттаннал транспортрал системалул даву низамрайн дуцаврил ххуллий буллалисса хIарачатирттахлу. «ХIакьинусса кьини тамансса масъалартту бур чара бакъа дузал бан багьлагьисса. ЦIу буккан буван аьркинну бур аэропорт. Федерациялул миккун дирчунни тамансса арцу, инфраструктура дузал даву мурадрай. Буллай бур цIусса терминал», — увкунни министрнал. Евгений Дит­рихлул ихтилат бунни мукунма МахIачкъалаллал хьхьирил порт дузал баврил хIакъиравугу.

[dropcap]М[/dropcap]унала бусаврийну, Ма­хIачкъалаллал кучарду бакьин буллантIиссар, 2019 шиная тIайла хьуну, «Мюхчаншиву ххисса ххуйсса автомобил хху­ллурду» тIисса национал проект­рал лагрулий.

Журналистътурал суалла­хьхьун жавабру дуллай, Владимир Васильевлул барчаллагь увкунни «Железные дороги» РАО-лул каялувчинахь МахIачкъалалия Бакуйнсса муххал ххуллул транспорт зузи даврихлу. Мунал мукунма бувсунни федерал ххуллурдай фото-видеофиксациялул система щурущи дуршиврия.