«Терроризмалийн ва экстремизмалийн къаршисса культура» тIисса программалул лагрулий вай гьантрай Лакрал театрданул Хасавюрт шагьрулул
Магьирлугърал къатраву ккаккан бунни А. Къапиевлул аьрали чичрурду гьануну ларсъсса«Духкъалагайсса макь». Сайки 400 инсан лагайсса «Спартак» Магьирлугърал къатлул зал ацIансса кIану бакъа бувцIуну бия.
[dropcap]С[/dropcap]пектакль байбишин хьхьичI театрданул директор МахIаммад ХIусайновлул бувсунни Къапиевлуя ва ванал аьрали чичрурдая. Дагъусттаннал муфтиятрал просвещениялул отделданул Хасавюрт шагьрулийсса ва райондалийсса пишакар МахIаммадаьрип Дарбишевлул оьрчIащал бунни аьдатсса ислам даччан дуллалаврийн багьайсса ихтилат.
Дагъусттан Республикалул Жяматийсса палаталул член, Дагъусттаннал паччахIлугърал университетрал Хасавюрт шагьрулийсса филиалданул директорнал хъиривчу Мирза Мусаевлул барчаллагь увкунни Лакрал театрданул коллективрахь оьрчIру ватан ххирану тарбия бан кабакьу буллалисса спектакль ккаккан бан бучIаврихлу.
ХIадур бувссар
Зулайхат Тахакьаевал
