Хъамитайпалул щусса чIила
Октябрь зурул 17-нний полициялийн баян бувну бур ссят 17.00 хьусса чIумал республикалул азарханалийн Ирчи Казаклул цIанийсса кIичIирава чIиллул щаву дирсса 47 шинавусса адамина увцуну бувкIшиву.
Хъиривлаявуртту дурну, полициялул зузалтрал, полициялул отделданийн бувцуну бувкIун бур щак багьлагьисса 40 шинавусса хъамитайпа.
Ва мукIру хьуну бур. Хъамитайпалул хIакъираву сукку дурну дур АьФ-лул УК-рал 111 статьялул 1-мур бутIуйн дагьайсса уголов дело.
Ххира дуллалу тти ххюра шин
Полициялийн аьрзирай увкIун ур МахIачкъалалиясса 27 шинавусса адамина, октябрь зурул 22-нний ссят 06.00 – 15.00-ннийн бияннинсса чIумул дянив кIул акъасса инсаннал бавцуну бур цала къатлул чIарав бацIан бувсса машина «ВАЗ-2103» тIий. Полициялул зузалтрал хъиривлаявуртту дурну, гьантлул дянив лявкъуну ур 36 шинавусса Каспийскалиясса адамина. Ва мукIру хьуну ур. Машина залуннахьхьун зана бувну бур. Ва иширал хIакъираву АьФ-лул УК-рал 158-мур статьялул 2-мур бутIуйн дагьайсса (цурк баву) уголов дело сукку дурну дур. Укунсса тахсир хьуманан байсса яла кьянкьамур танмихI бур 5 шинай дуснакь аву.
Кьюкьаласса пиша
Октябрь зурул 22-нний, ссят 17.45 мин. хьусса чIумал, полициялул отделданийн аьрзирай бувкIун бур 25 шинавусса хъамитайпа. Октябрь зурул 17-нний Ахъушинскийл кучалийсса къатраву кIул акъасса инсаннал дарцуну дур цил сумкалува 21 азаллий 650 къуруш тIий.
Полициялул зузалтрал кIул бувну бур арцу дарцусса 19 шинавусса душ. Ва мукIру хьуну бур. Ва иширал хIакъираву АьФ-лул УК-рал 158-мур статьялул 2-мур бутIуйн дагьайсса (цурк баву) уголов дело сукку дурну дур.
Дагъусттаннал
МВД-лул пресс-служба
