Асар хьунсса аьрххи

Вай гьантрай Дагъусттан Республикалийн бувкIун бия Кострома областьраясса губернатор Сергей Ситников бакIчисса бусравсса хъамал. Октябрь зурул 22-нний Республикалий лахъа-хъунну тIайла дурккунни Костромаллал областьрал кьинирду.

Ва аьрххилул лагрулий Да­гъусттаннал ва Чачаннал республикалул дазуйсса КПП-лучIа хъамал хьунабавкьунни ЦIуссалакрал райондалул бакIчи ХIажи Айдиевлул, ДР-лул Халкьуннал мажлисрал депутат Амирхан Амирхановлул, ЦIуссалакрал райондалул Халкьуннал мажлисрал председатель Мавлидин Исламаьлиевлул.

Пострай къуллугъ буллалисса полициялул зузалтрачIан бувкIун бия мукунма ДР-лул ХIукуматрал ва Администрациялул бакIчинал каялувчи Владимир Иванов ва ДР-лул ХIукуматрал председательнал хъиривчунал буржру чIумуйну биттур буллалисса Рамазан Жяъпаров. ДакIнийн бутанну Гудурмессуллал пострай цикссагу шиннардий дакIнихтуну къуллугърал бурж биттур буллай бушиву Кострома областьраясса полициялул зузалт.

Хъамаллурал ххал диргьунни пострай къуллугъ буллалисса зузалтрал даврил шартIру. Хьунабакьаврил савлугъран Сергей Ситниковлул цала цIания ватанлувтуран бахшиш дунни ссят.
Делегациялул ва бусравсса хъамаллурал, ссупралух щябивкIун, зузалтращал бунни ихтилатру. Ва аьрххигу хьунни асар хьунсса ва дакIния къабуккансса.