Ялугьланну «Шинал учительнал» конкурсрал хIасиллах

Щалагу Аьрасатнал «Шинал учитель – 2018» конкурсрал хIасиллу дуллалисса ятIап най дур Москавлив.

Дагъусттанная му конкурсрай гьуртту хъанай бур МахIачкъалаллал №8 лицейрал байбихьулул классирттал учительница Альбина Аюбова. Конкурсрал сиптачитурал баян бунни финалистураву байбихьулул классирттал 10 учитель ушиву, информатикалул – 10, математикалул – 7, тарихрал ва обществознаниялул – 18, кьатIаллил мазурдил – 14.

[dropcap]Ч[/dropcap]анну бусса бур физикалул, биологиялул, химиялул ва географиялул учительтал. Оьрус мазрал ва литературалул ур увагу 5 учитель, физкультуралул ва суратру дишин лахьхьин баврил учительталгу – кIи-кIия.
Ххюя финалист усса ур элмурдал кандидатътал, 22 учитель шяраваллил школарттай зузисса ур, 63 – шагьрулул школарттай. Конкурсрал хIасиллу хьунтIий дур октябрь зурул 3-нний.
ДакIнийхтуну тIайлабацIу чIа тIий буру Альбина Аюбован.