[dropcap]С[/dropcap]ентябрь зурул 3-нний Ккуллал райондалул Культуралул къат­рал хIаятраву «Вирттаврал аллеялучIа» ва Ваччиял школалий хьунни терроризмалийн къаршисса акция.

07:36 / 14.09. 2018
Яла Ваччиял школалул фойераву хьуна терроризмалийн къаршисса ва га цирив бусласисса оьрчIащалсса хьунабакьаву. Шикку интерактив доскалий ккаккан бувна терроризмалул лавсун нанисса баларду цукун­сса бикIайссарив. Такну кка­ккан дуруна 2004-ку шинал сентябрь зурул 1-нний Беслан шагьрулий террористурал школа ширишилун бувгьусса чIумалсса суратру.

[dropcap]В[/dropcap]ай суратру яруннил хьхьичIух нани­сса чIумал, иттав бияла бакъа макь дукIлай дия. Гьай-гьай, школалул оьрчIан укун оьтту­вун бахьлавгсса цала оьрмулул оьрчIру кка­ккан буллалаву вайннал кьянкьа-кьурчIи къархьусса дакIурдища лаласун хъинну захIматну бушиву чIалай бия. «Циван, ссахлуну?» тIисса суал хIасул хъанахъишиву бувчIлай бия. Къахьуннав чувчIаввагу ххишала укунсса ишру.

Шамххал Хизриевлул бувсуна оьрчIахь цува гьуртту хьусса 1999-ку шиналсса иширттаяту. ОьрчIру хъинну паракьатну ванал бусласимуних вичIилий бия. ОьрчIайх бавчIуна ххувшаврил лентардугу.