Уттигъанну Читтурдал шяравун багьсса аьрххилий, дакIний-мазрай бакъанма, кIул хьура шяраву вараничIелмулт ябуллалисса читтурачунащал.Мусалав цувагу ца аьчухсса, увкIная ххарисса, хъамаличунал хIурмат бан лавай авцIусса инсан ия. Ванал бувцунну жу хъунма бакъасса цала ахъувунгу. Аргъирайсса мамарттул (малиналул) къатIрачIан итабавкьуну, щалихханцIа мамаригу букан бунну.
Аьрщияв буллугъсса, Мусалавл каяв сававсса къакIула, чIивисса аьрщарал касакрай ванал ххяххан дурмур лапра дюрхъуну дия. КIюласса кьяртрай зурчIай тIий дия хъунира-хъунисса ятIул ларгсса помидорду. Мамари тIурча къатIрай чIапIаяр чIявусса бия. Яла-яларив, заллу цува ия цачIара думур дулун-дачIин хIадурсса.
Хъунмасса хIаз ласарду жу вараничIелмултрая. Жу бакъа цару тIий, бакIругу ссукIа дургьуну заназисса цавай къудурсса вараничIелмулт бия. ЯбатIин къахъанай бивкIру. ЦIана вай шанма бия МусалавчIа. Ялагу ласунсса пикрилий ия. Цаятува бусангу цIана рязи къавхьунни, ферма хъунна дурну махъ бучIан икьрал дарду. Ливхъун нанийни жун ца-ца вараничIелмуллул ккунукгу бахшиш бувунни.
Ка бакьиннав вицIун, Мусалав! Дуллалимур дюхъаннав!
ХIадур бувссар
Андриана Аьбдуллаевал
