Мунил сакиншинначитал бур Ккавкказуллал Чичултрал союз, Аьрасатнал Чичултрал союзрал Дагъусттанналмур отделение, Ккавкказуллал таржумарттал къатта,
«Неман» литературалул журнал (Минск шагьрулий буклакисса), «Илчи» кказит, ДНЦ РАН-далул Мазрал, литературалул ва магьирлугърал институт. Ярмаркалийн бувкIун бур Белоруснавасса, Къабардин-Балкьарнавасса, Москавлиясса ва цаймигу Аьрасатнал шагьрурдаясса чичулт, шаэртал, суратрищулт, балайчитал. Миннащалсса хьунабакьавуртту хьунтIий дур хIакьину ва гьунттийгу.
Ярмаркалул лагрулий хьунни цIуну дунияллийн бувксса «Лакку мазрал ва оьрус мазрал словарьданул» презентация, му сакин бувсса аьлимчу Ися Аьбдуллаевлущалсса хьунабакьаву. Словарь цуппагу буссар ярмаркалий бахлай.
Сентябрьданул 21-нний 16 ссятраву библиотекалул конференц-залдануву хьунтIиссар чичу Мариян Ибрагьимовал 100 шинал юбилейран хас бувсса мажлис.
Ярмаркалия гьарза-гьартану бусанну хъиривмур номерданий.
ХIадур бувссар З. Тахакьаевал
