Мюрщултрансса эбратран

ЦIуминалийсса Чапаево шяравусса «Солнышко» оьрчIал багъраву сентябрь зурул 14-нний хьунни ЦIуссалакрал район къачагътурацIа мурахас дурсса кьинилунва Дагъусттаннал халкьуннал цашиврул байрандалун хас дурсса утренник.

Утренникрайн оьвкуну бия 1999 шиналсса дяъвилул ишир­ттаву жан дуллусса милицанал прапорщик МахIаммад Рамазановлул щащарнийн Аьйшатлуйн. ОьрчIал бувккунни виричунан хас бувсса шеърирду, ккаккан дунни къавтIавуртту.
МахIаммад Рамазанов увну ур 1966 шинал ЦIуссалакрал райондалийсса Чапаево шяраву.

Виваллил иширттал органнаву зун ивкIун ур 1993 шинал. Зий ивкIун ур ЦIуссалакрал РОВД-лул ГИБДД-лул ххуллул патрульданул къуллугърал (ДПС) инспекторну. Жан дуллуну дур 1999 шинал сентябрь зурул 7-нний. Лайкь хьуну ур Къучагъшиврул ордендалун (аьпалул хьуну махъ).

Лажин хIадур дурссар
Андриана Аьбдуллаевал