Дагъусттаннал БакIчинал кIанттайсса Владимир Васильевлул дачин дурсса совещаниялий ххал бивгьунни агьамсса масъалартту – Цану чIурду булаврил кьинилийн 

ва Расул ХIамзатовлул 95 шинал юбилейрайн хIадур шаврицIун бавхIусса. Гьаз бунни ххуллурдалмур масъалагу.

ХIукуматрал хъунаманал хъиривчу Рамазан Жяъпаровлул бувсмунийн бувну, «Ххуйсса ва мюхчан­сса» ххуллурду тIисса федерал программалул лагрулий, 2018 шинал федерал бюджетрава МахIачкъалаллал транспортрал инфраструктура сантирайн рутан 765 миллион ккаккан бувну бур, вайра давурттан респуб­ликалул бюджетравагу кка­ккан дурну дур вайкссара арцу. МахIачкъала шагьрулул хъунама Абуссупиян

ХIасановлул бувсунни, шагьрулул кIичIиртту бакьин буллалийни, хIисавравун ласлай бушиву ГИБДД-лул тIалавшиннарду ва мурадру, ва ккаккан дурсса чIумуй ххуллурду бакьин бувансса бущилий зий бушиву.

Шагьрулувун бувххун нанисса ххуллурдугу ххуйсса даражалийн буцин аьркиншиврий чIурчIав дуллалисса ихтилат бунни транспортрал ва ххуллурдал хозяйствалул министр Ширухан ХIажимурадовлул. Бувсунни бувну къуртал бувшиву МахIачкъалалия аэропорт­райнсса ххуллу, мукунма къуртал бувшиву Шамхаллая Богатыревкалийнсса шагьраххуллугу. Ххал бивгьунни цаймигу агьам­сса масъалартту.

П. Рамазанова