Жу уттинингу бусарду «Инсан» ИхIсандалул фондрал Лаккуйсса филиалданул дурсса ххуй- ххуйсса давурттая. Масалдаран, Кьурбан- байрандалул гьантрай «ДикI — гьарцагу мюхтажсса ужагърайн» тIисса акция баян бувну, 214 500 азарда къуруш дартIшиву ва миннух 620 килограмм дикIул ларсун, Ла­к­­рал, Ккуллал ва ЦIуссалакрал районнайсса 120 кулпатрайх дарчIушиву.

---

[dropcap]В[/dropcap]а акциялий рязи­сса инсантал зукьлурдай, жучIан редакциялийнгума оьвтIий бия ми жагьилтурахь барчаллагь учаракьай жул цIанияту тIий. Миннал цIаниятугу, жулва цIаниятугу барчаллагь баян буллай буру хъиншиврул, хъинбалдарал ххуллий чялишну къуццу тIутIисса жагьилтурайн.

Муния махъ, цIусса дуккаврил шин дайдишиннингу, ххуй­сса даву дунни мура фондрал, школалийн нанисса ятинтуран аьркинмур ласун дартIунни 18 450 къуруш. Цамургу ххаллилсса даву дуллай бур фондрал вакилтал Лаккуй: Ваччав ятинтуран къатри дуллай бур, хах сайки бувну къуртал бувну бур, утти вивми давурттаха зий бур. Дяркъу хьуннин (Ла­ккуй дяркъу ччяни шайхха) къатри дурну къуртал дуван багьлай бур, мунияту фондрал вакилтал агьалинайн оьвтIий бур шайсса кумаг буван.

[dropcap]Я[/dropcap]тинтал ххари бан­сса давриву зулвамур бутIа бишин ччи­сса ва бишинсса каши дусса бухьурча, арцу дичин хьун­тIиссар Сбербанкрал карталийн: 4276 6000 4873 1810 (Ислам Ибрагьимович) ягу ва телефондалул номерданийн 8 963414 11 77 (Билайн). Ххуйсса давур­ттив чIяру къашайссар. Ятинтуран бувсса кумаг чара бакъа хъинбалану зана бикIайссар!

П. Рамазанова