ДикI цукунсса дурив ххал даншиврул бизара гайннуйн кIисса. Агарда гайннуй кюнтIа личIлай бакъахьурча, дикI цIуссар.

* * *
-ДикIуцIа кьанкь дурив ххал даншиврулгу чIиллул мицI кIири бувну, кьутIияра, агарда чIиллуя ххуй дакъасса кьанкь хьурча, дикI лахъи ларгссар.

* * *
-ТтиликIрая ххянч (пленка) бигьанна ликкайссар агарда ттиликI ца минутIрайсса кIирисса щинавун дутарча.

* * *
-ТтиликI хъинну тIааьнсса шайссар, дагъ дан хьхьичI 2-3 ссятрайсса накIливу дитарча. ТтиликI кьянкьасса къахьуншиврул дагъ дувара цIу къабивчунува.

* * *
-Дагъ буллалисса балугъ баллу-кIутIу къахьунщиврул 10-15 минутIрал хьхьичI бичияра цIу.

* * *
-Дагъ бувсса балугъ ягу дикI ятIул лагайссар дагъ бан хьхьичI гай дасттамалданух кьакьан барча.
* * *
-Мархха-ххатин (специи) (лавр чIапIи, иссиявт, михак, цIу бичайссар накьливун дукра дурну къуртал шавайсса чIумал.

* * *
-Дагъ дуллалисса тавалувун чансса цIу бичирча, лагма-ялуттусса аьгъушиврул чIентIру чан хьунтIиссар.

* * *
-Нис дусса кIургулттуву качарданул къурхъ диширча, щаллусса нюжмардий нис цIунура личIантIиссар.

* * *
-Лахъсса цIарай шахьан бувсса ккунукрал кIяламур бикIайссар кьянкьану (хъинну шавхьун) хъахъи ккунук тIурча – кIукIлунма, лагьсса цIарай шавхьмунил – хъахъи ккунук кьянкьану, кIяла ккунук хьюмунува личIайссар.

* * *
-Дагъ буллалисса нувщи нахIусса ва гъурс тIисса шай­ссар щаращисса нагьливун бичиннин нувщи салфеткалух кьакьан барча.

* * *
-Нувщул ккурччувун (пюре) дяркъусса накI дутIирча, пюре луххал ранг дусса шайссар. Ххуйсса, кIяласса пюре хьуншиврул щаращисса накI дутIин аьркинссар.